Asociacion de Gaiteiros Galegos

Gaiteiros galegos

Novas

Baile na rúa con Xacarandaina no Día da Danza na Coruña

Varios / 23.04.15

baile rua xacarandainaA Coruña quere levar ás rúas a celebración do Día Internacional da Danza cun percorrido polas rúas da cidade cargado de baile.
Xacarandaina será o grupo encargado de percorrer as rúas da cidade da Coruña enchéndoas de ritmo e danza. Dende o 1982 cada 29 de abril conmemórase o Día Internacional da Danza e a cidade herculina non quere deixar pasar a data sen pórlle ritmo. Por iso o mércores 29 o grupo tradicional percorrerá a cidade para levar a danza por todos os recunchos. Dende ás 19:00h bailarán ata a Praza de María Pita dende o Parque de Marte pola Praza de España, dende Historiador Vedía por San andrés e dende a Praza de Ourense polos Cantones.
Súmate como espectador en calquera punto do percorrido e celebra ti tamén o Día Internacional da Danza.

http://vivea.gal/

 

 

O documental Dos gaiteiros do mar, de Xurxo Souto, estrearase no Festival de Cans

Varios / 22.04.15

xurxo soutoO documental rescatará a uns gaiteiros históricos do Morrazo para tocar no Jaliñeiro Unplugged con Poetarras e Raposo. O colectivo arterrorístico Poetarras -tal e como se definen eles mesmos- ofreceránlle ao público as súas mellores cancións nun directo que estará cheo de humor e retranca. As composicións e os videoclips máis experimentais e underground tamén teñen cabida no festival. Raposo, músico e actor ourensán afincado en Berlín, dará boa conta diso. Dende hoxe mesmo, os compradores dos primeiros packs de entrada+camiseta poderán recollelos en varias tendas de Rei Zentolo de Galicia ou en Tía Tata (O Porriño).

O festival acollerá na Sala Multiusos a estrea do documental Dos gaiteiros do mar, dirixido por Xurxo Souto. Unha peza audiovisual que, tal e como o seu nome indica, trata sobre eles, sobre eses mariñeiros-gaiteiros que na década dos sesenta embarcaron cara ao Gran Sol nos pesqueiros galegos. Nel, nárrase como Manuel Sotelo -”Manoliño de Donón”- sempre quixo ser gaiteiro, e como aos 18 anos estivo a piques de cumplir o seu soño de tocar no palco do Carnaval do Hío, “O carnaval do gaiteiro”. A Manuel comunicóuselle unha semana antes da tan esperada data que tiña que ir ao mar e embarar. Agora, xa xubilado e corenta anos despois, o mariñeiro-gaiteiro cumplirá co seu compañeiro de entón, Lito de Pinténs, o seu desexo de actuar nun dos palcos do Carnaval do Hío, grazas a eles convertido no Carnaval dos Gaiteiros do Mar.

(Prema no título para ler a nova completa)

Asociación Cultural Trepia presenta a Aña urbana 2015

Varios / 22.04.15

trepiaA quinta Aña Urbana encheu de música e animación a sala de prensa do Concello, na que os compoñentes da Asociación Cultural Trepia acompañaron á concelleira Carme da Silva a presentar este evento de música tradicional que terá lugar este sábado, 25 de abril.

A aña fai referencia a toda unha tradición músico-festiva asociada ós traballos do campo que perviviu ata a chegada e xeneralización das modernas maquinarias agrarias. Facíase nun tempo no que non se dispoñía dos tractores, fresadoras e demáis aparellos actuais.

Os traballos máis duros como o labrado e vesado da terra para facer a sementeira, adoitaban ser feitos comunitariamente. Os veciños xuntábanse para axudar nas labradas das leiras de todo o lugar nunha xornada que moitas veces adquiría unha certa inclinación festiva.

O cantar da aña é específico para ese día. Tamén era habitual adobiar un ramo de loureiro ou mirteira que se baixaba para a leira no momento de levar a merenda.

Este mércores 22 de abril haberá un preludio da Aña ás 7 da tarde cunha conferencia sobre esta tradición labrega, ofrecida por Davide Salvado.

(Prema no título para ler a nova completa)

aCentral Foque presenta “Florencio, cego dos Vilares”

Presentación do novo traballo / 21.04.15

 florencio cego vilaresO vindeiro venres 24 de abril, ás 20 h, no Salón de Actos (Os Chaos) da Fonsagrada, presentarase ao público o primeiro e único libro que afonda na historia do considerado como último xograr galego, Florencio, o cego dos Vilares. Unha coidada e rigorosa monografía iniciativa de aCentral Folque, Centro Galego de Música Popular, acompañada dun CD con gravacións orixinais e inéditas do músico fonsagradino. Na mesa de presentación estará Antón Santamarina, autor, Ramon Pinheiro Almuinha, co-autor, editor do libro e director artístico d’aCentral Folque, o alcalde da Fonsagrada Argelio Fernández e o delegado de Cultura da Deputación de Lugo, Mario Outeiro. O acto pecharase cun concerto de Mini e Mero.

aCentral Folque, publica este libro-cd, o primeiro que profunda, grazas a unha ampla nómina de reputados especialistas, neste personaxe fundamental para a música galega de tradición oral. As gravacións etnomusicolóxicas, contidas no CD, que Antón Santamarina e Dorothé Schubarth lle realizaron a Florencio entre 1979 e 1981 inclúen unha selección do inmenso repertorio de Florencio. A selección abarca tódolos xéneros do cancioneiro galego e inclúe varias pezas instrumentais.

(Prema no título para ler a nova completa)

Celebración da Asamblea Xeral Ordinaria da Asociación de Gaiteiros Galegos

AGG / 16.04.15

asamblea2015O pasado domingo 12 de abril de 2015 tivo lugar a Asemblea Xeral Ordinaria da Asociación de Gaiteiros Galegos, que este ano se celebrou no Museso do Pobo Galego, na cidade de Santiago de Compostela. O horario de celebración foi ás 11:00h. en primeira convocatoria, e ás 11:30h. en segunda convocatoria.

A orde do día foi a seguinte:

1. Lectura e aprobación, se procede, da acta anterior.

2. Informe das actividades realizadas no ano 2014.

3. Aprobación do estado de contas do ano 2014.

4. Planificación de actividades para o 2015.

5. Elección da Xunta Directiva.

6. Rogos e preguntas.

Nesta Asamblea elixiuse nova Xunta Directiva da Asociación de Gaiteiros Galegos,

(Prema no título para ler a nova completa)

Se desexas facerte socio ou sendo socio desexas modificar os teus datos, podes descargar o boletín de inscrición e remitilo por correo ordinario a:

Asociación de Gaiteiros Galegos
Afonso XIII, 2º andar
36002 Pontevedra

Tradescola
 Aturuxo

 

facebookyoutubeflickrpicasa