Asociacion de Gaiteiros Galegos

Gaiteiros galegos

Novas

O Pito Pastoril Galego - Moisés Quintas Suárez

Varios / 22.05.15

Moisés Quintas Suárez preséntanos o seu último traballo, un método online progresivo en formato web http://www.pitopastoril.gal/  para a aprendizaxe do Pito Pastoril Galego.

Nel fálase da orixe e evolución do instrumento e faise un estudo riguroso dos distintos pitos pastoriles. Adxúntanse fotografías, máis de 250 gravacións de audio, máis de 200 exercicios progresivos, técnica, articulación, afinación, respiración… máis de 50 melodías tradicionais galegas (Alalás, Alboradas, Muiñeiras, Pandeiradas …) ordeadas por grao de dificultade, un obradoiro para construír o teu propio pito pastoril Galego de cana e moito máis…
Ten a honra de que as verbas do mestre artesán Antón Corral abran o método, unha das persoas máis relevantes no mundo da Música Tradicional Galega, e a quen, sen dúbida, debemos a recuperación e perfeccionamento do Pito Pastoril Galego.

 

Defendamos Planeta Furancho

Varios / 22.05.15

planeta furanchoDende a AGG queremos expresar o noso total desacordo co peche de Planeta Furancho, e trasmitímoslle todo o noso apoio!!!

Ante a suspensión de PLANETA FURANCHO da parrilla de programación da Radio Galega Músicas @s propi@s radio-ouvintes e músic@s convocan a todas as personas que queiran apoialos co fin de mostrar o total desacordo co peche do programa, e esixir repoñer o mesmo de inmediato por ser o único que apoia e programa música galega. Mesmo foi merecedor dun dos Premios das Música no 2014!


Lugar BANDO, S Marcos, as portas das instalacións
Día mañá sabado 23 de maio
Hora 21.30 da tarde noite, no cambio de turno
Levar Pancartas, disfraces, instrumentos musicais, potas, pitos etc
Farase asamblea e decidiranse novas accións!
Defendamos o sector!!! Con alegria e festa!

 

 

Conferencia O por qué do Toxos e Froles no Ferrol de principios do s.XX

Conferencias / 22.05.15

toxosflolesO vindeiro Sábado 23 de Maio ás 20:00 horas no 1º andar do local do Real Coro "Toxos e Froles" na rúa Magdalena 220, dentro dos actos de celebración do centenario, vai ter lugar unha conferencia para entender a importancia do Ferrol de principios do s. XX como cidade que viu nacer ao Real Coro “Toxos e Froles”.

Dita charla será levada a cabo por Pedro Xosé Blanco Llano baixo o título “De que falamos, cando falamos de Toxos” e por Fernando Dopico Blanco con “Os gaiteiros na aurora do s.XX: arquetipos e utopías”.

Pedro Blanco foi corista, bailador e secretario do Real Coro “Toxos e Froles”. Gran coñecedor da historia dos inicios do Toxos, aproximaranos coas súas verbas á sociedade ferrolá deses primeiros anos do s. XX, o que nos fará entender como toda unha xente vinculada á burguesía, á construcción naval e á mariña, foron quenes de darlle vida á nosa cidade e participaron na creación de moitas das sociedades culturais que aínda hoxe en día están a levar a cabo a súa actividade. Contaranos como ese Ferrol estaba cheo de vitalidade e de inquedanzas sociais, culturais, musicais, poéticas, …; e como estas inquedanzas quedaron plasmadas tanto no nacemento de agrupacións como Airiños da Miña Terra, o Toxos e Froles, ou se levaron a cabo publicacións de libros, revistas, …

(Prema no título para ler a nova completa)

DÍA SEN MÚSICA

Varios / 20.05.15

diasenmusica

Hoxe, 20 de maio de 2015 DÍA SEN MÚSICA convocado para protestar polo IVE cultural do 21%.

IX edición da Noite de Fiadeiro

Varios / 18.05.15

 

noite de fiadeiroNos pasados días foi presentado o programa da IX edición da Noite de Fiadeiro, que se celebrará o vindeiro Sábado día 30 en Vilavidal (Ramirás). Esta festa nacía no ano 2007 coa intención de recuperar a esencia daqueles Fiadeiros que antano se celebraban na Comarca de Celanova, e que actualmente estaban perdidos. Deste xeito, ano a ano foise consolidando esta celebración e actualmente é unha das festas con máis sona no eido da cultura tradicional na Provincia de Ourense e en toda Galicia. 

Neste ano 2015 desde a organización elaboraron un  programa de actividades para toda a xornada, que contempla obradoiros, proxeccións, teatro de rúa, animacións, xogos, concertos... así como a xa tradicional mostra de artesanía e gastronomía con ducias de postos. A gran novidade desta edición é o Fiadeiro Cativo, onde participarán varias escolas de música tradicional, poñendo en valor o que fan os máis cativos durante todo o ano. Chegada as 21 h. máis de 30 colectivos de música tradicional chegadas das catro provincias galegas chegarán a Vilavidal para comezar a actividade central, esto é a Noite de Fiadeiro. Mais info e programa no seguinte enlace: 

http://www.noitedefiadeiro.com/p/programa_7.html

Se desexas facerte socio ou sendo socio desexas modificar os teus datos, podes descargar o boletín de inscrición e remitilo por correo ordinario a:

Asociación de Gaiteiros Galegos
Afonso XIII, 2º andar
36002 Pontevedra

Tradescola
 Aturuxo

 

facebookyoutubeflickrpicasa